E caso a sosode dia 25 di februari 2022 den oranan di anochi. Reportero Miriam Koolman tabata bende number den un oficina na Paradera. A bati alarma mesora ora cu un hende a bin topa cu ne benta abou.
Un otro colega di prensa cu a pasa a bati alarma ora el a mira e señora benta riba vloer y herida. A resulta cu supuestamente a caba di sosode un atraco. Nan lo a spuit algo den su wowo y ranca e placa via un bentana di e oficina di number. Tambe e señora a declara cu e atracadornan a core bay direccion patras den scuridad.
Ta ful un drama tabata tin unda el a conta autoridad tur e storia traha di e atraco. A papia di dos atracado. Polisnan a drenta varios caminda buscando evidencia. A busca hasta den e supermercado Chines otro banda pa imagennan di camara. No a logra capta nada mirando e scuridad y falta di luz.
A pasa algun luna y awo e caso a keda soluciona. A resulta cu e reportero Miriam Koolman mes a comete e atraco arma riba su mes. Su show tabata completo unda hasta ambulance a presenta pa asina atende cu ne na e sitio. Familia tambe a presenta. Nan hasta a tira culpa riba e Chines cu ta doño di e oficina cu a laga hende bende sin suficiente siguridad. Atraco Team no a sosega riba e caso aki. A keda investiga silenciosamente te cu a yega na e sospechoso real. E mesun persona cu a pasa pa victima di atraco a comete e atraco. A dura poco pa logra e evidencianan pero a logra. Diasabra merdia a bay over na detencion di e reportero atraca na Paradera den oficina di number riba 25 di februari.
