Pastoor Jozef Pelc y Diacono Michael Nicolaas ta invita tur parokiano y pueblo en general pa asisti na e Nobena, Vigilia y Fiesta na honor di 105 Aniversario di e prome Aparicion di Birgen Maria na Fatima.
Nobena na honor di Birgen di Fatima ta cuminsa diaranson 4 di mei te cu 11 di mei pa 6:15 pm. y ta sigui cu Santo Sacrificio di Misa.
Solamente riba diadomingo e orario di nobena ta 5:15 pm. Santo Sacrificio di misanan di 8:00 di mainta den siman ta cancela.
Riba diahuebs 12 di mei lo tin vigilia cu un ora di Adoracion di Santisimo Sacramento di 7 te cu 8 or di anochi.
Santo Sacrificio di Misa mainta ta sigui manera custumber.
Riba diabierna 13 di mei ta celebra Fiesta di Birgen di Fatima cu un Santo Sacrificio di Misa Solem pa 7or di anochi y ta sigui cu un Procesion di Luz cu Imagen di Birgen di Fatima.
Pa e procesion di luz por cumpra bela di led, bateria ta inclui. Tickets pa e bela ta obtenibel na balor di solamente Awg 7 den huki di buki, cerca miembronan di gruponan di oracion di parokia of riba plenchi dilanti di misa.
Esnan interesa por haci pedido di un t-shirt pa e ocasion special aki cu e diseño “Haci Birgen Maria feliz” na balor di Awg 25. Ultimo dia pa haci pedido ta diabierna 6 di mei.
Pa mas informacion por tuma contacto cu Gisèle Netto via celular 594-6604
