Diadomingo marduga, un poco pasa di 12:30 am un incidente a tuma luga den cua un solo auto tabata envolvi. Riba e caminda di Nelson Oduber un auto colo blanco marca Nissan modelo Fuga su tirenan a slip pa un motibo of otro locual a pone cu e chauffeur a perde control di a evehiculo y a bay dal den un pal’i luz. Consecuencia di esaki tabata cu a laga parti di e area sin coriente pa un rato.
Polis a presenta na sitio p’asina tuma dato di e suceso. Tambe a yama Elmar pa nan por haci reparacion rib’e pal’i luz y pone coriente bek.
