Un caso serio a tuma luga den Dakota caminda un persona a ricibi un hinca den nek y keda malamente herida. Den careda di 9:00 pm a pidi presencia di polis y ambulance cu urgencia den Avenida Millio Croes pa un intento serio cu arma blanco. Un persona femenino a propina su ex- pareha un hinca y subi un Toyota Yaris preto y sali na careda.
Segun informe na sitio, na momento di bandona sitio, e muhe lo a pasa dal e taira den acera y kap esaki. Den auto tin un criatura chikito cu a presencia tur esaki. Ademas cu e ta coriendo rond na e momento aki mientras autoridad ta en buskeda.
Mientras ambulance a atende e homber, e por a duna indicacion unda e agresion a tuma luga, cu tabata den Stadionweg y caminda e muhe lo a tira e arma den un cura di cas.
Un rato despues polis a bin encontra e dicho arma den Stadionweg. Tin un buskeda grandi tumando luga den diferente area entre otro Dakota y Madiki. Ta sinti cu mucho leu e no por yega como cu e tin un taira gekap.
Algo despues di 11:30 di anochi a bin haya e auto sospechoso banda di Verbindingsweg.
