Diadomingo marduga pasa di 2:00 am polis di Santa Cruz a topa cu un pickup marca Isuzu colo shinishi cu tabata para memey di caminda. Ora a tuma nota di e vehiculo a acerca esaki y a ripara cu e chauffeur tabata na soño tras di stuur. A constata cu ta buracheria a pone cu el a pega soño.
Mesora a solicita un vehiculo di transporte pa hiba e homber ward’i polis y a para e auto band’i caminda. Den caso asina, polis ta laga e chauffeur pasa un anochi den cel pa e pasa su wayaba. Tin biaha por yama un familiar pa busca e persona tambe, tanten e persona no stuur durante ocho ora largo.
