Tabata algo prome cu 5:00PM unda cu a sosode un accidente estilo “hit and run” na rotonde di Bushiri ariba WVB. Segun testigonan por a mira, un pick up color blauw ta e auto a dal un un persona ricibi bicicleta y a sigui core manera nada no a pasa. El a laga e dama cu basta sla na cabes ariba vloer. E dama tabata ariba un bicicleta segun testigonan.
Polis a cera caminda y a desvia trafico pa investigacion por tuma luga sin ningun molester. Ambulance a presenta na sitio pa brinda cuido na e dama. E tabata mustra di a ricibi slanan serio y tabata necesario pa transport’e pa Dr. Horacio Oduber Hospital. Mientranstanto Polis a haci un buskeda den e area pa wak si ta topa cu e pick up color blauw cu a comete e acto inhumano aki. Cualkier persona cu por tin mas informacion, por tuma contacto cu Polis.
