Seguronan a adapta forma di traha: Ta promove mas pago online

857

E sector di seguro tambe a wordo afecta pa Covid-19. E companianan di seguro a haci adaptacionnan y a haci esaki segun e maneho di gobierno. Manera tur otro sector, nan tambe mester a traha cu skeleton teams, hende ta traha di cas, cera pa publico. Ainda den diferente negoshi, manera Guardian Group, mas o menos 30% ta trahando for di cas ainda.
Nan ta haci uzo di un schedule di rotacion, segun Jacques van der Scheer di Guardian Group. Tur compania a aplica e distancia social, tur sticker, screens pa proteha hendenan, mondkapje, face shield, etc.

E companianan di seguro a duna clientenan y brokers un tiki mas espacio, pasobra normalmente ora di no paga un polisa, dentro di 3 luna ta stop esaki. Awo a duna nan un tiki mas espacio pa nan por splica nan situacion, di cual por bay over na un areglo y por bay te cu 6 luna. Esey ta algo cu ta diferente pa companianan. Tur compania tin nan mesun maneho y por mira cu banconan tambe ta haci esey. E efecto di e crisis tabata drastico, pero te ainda por maneha tur.

Seguronan a adapta forma di traha: Ta promove mas pago online

Seguronan a adapta forma di traha: Ta promove mas pago onlineClick link pa mas: https://24ora.news/2UkBBbF

Posted by 24ora on Tuesday, June 2, 2020

E base fundamental pa e asociacion di seguronan ta pa sigui e instruccionnan cu Gobierno di Aruba a duna, segun Angeline Tromp-Zievinger di Citizens Insurance. E parti di comunicacion di instancianan, e conferencia di prensa diariamente, tabata e base pa e companianan di seguro adapta nan mes durante e inicio di Corona crisis te na final. Esey a haci cu cada compania a haci su operacion diferente.

Randall Croes di Sagicor a bisa cu pa nan tabata importante e parti di comunicacion cu cliente durante trahamento di cas. Nan a pone e numbernan y pone hopi atencion riba e servicio cu clientenan no por a paga nan hipoteca of e segura. E sosten personal pa tur compania di seguro,mescos cu companianan relevante manera banco, WEB, Elmar, SETAR, nan no por a cera porta y bay cas. A pone hopi atencion riba esey, asina clientenan por a compronde e situacion con nan ta atende cu e medidanan di alivio.

E pagonan online a aumenta mas y lo haci mas esfuerso pa nan keda haci esey. Algo tipico di hopi hende na Aruba cu ta paga ainda cash. Nan ta pasa bishita e companianan di seguro of broker, WEB, Elmar, Setar. Pero mester bay mas na pagonan online y esaki no ta solamente pa nan sector, pero Aruba henter.