Diadomingo anochi, pa mas of menos 8:15 pm, a ricibi informacion cu un auto a bolter rib’e caminda di Franse Pas na Santa Cruz. Polis a bay na sitio y na nan yegada a topa cu un pick-up marca Nissan modelo Frontier riba su banda robes den e area yena cu lodo. Ambulance tambe a presenta na sitio pa asisti e chauffeur. Segun informacion ricibi na sitio, e chauffeur lo tabata bayendo zuid y pa un motibo of otro a perde control te bolter na su man robes. No tabatin ningun otro auto envolvi. Daño causa na e pick-up ta considerabel.
