Diamars den oranan di mainta, casi merdia unidad motorisa riba caminda di Malmok a topa cu un accidente. Ta trata aki di un accidente Hit & Run. E persona cu tabata victima di e accidente a avisa e agente motorisa cu net un rato prome un auto manera un truck blanco, a caba di dal y core bay. El a dal un auto y un cura, lag’e cu hopi daño material. Y huy direccion Playa riba e caminda di Malmok. Polis a cuminsa cu un buskeda pa wak si por topa cu e auto. Apesar cu el a sosode un rato prome, no a logra haya e auto.
Na e sitio a cuminsa cu un investigacion y a bin topa cu un bumper cu su plachi number riba dje A-71777. E auto ta pertenece na un compania di tour.
Departamento di trafico a keda avisa y a presenta na e sitio, caminda cu a tuma declaracion y a sigui cu e proceso mesora pa investiga kico a pasa exactamente, kende ta esun cu a comete e acto castigabel aki di hit & run, lagando hopi daño material atras.
Polis a confisca bumper y e number.