E anuncio haci recientemente door di minister di Salud Publico cu ta bay exigi un paspoort di vacunacion for di tur biahero, a hala atencion di parlamentario independiente Daphne Lejuez. El a manda un carta pa minister di salud publico Dangui Oduber cu un lista di 9 pregunta. E ta pidi e mandatario pa contesta e preguntanan por escrito.
Den e carta e ta papia di a lesa declaracion di e mandatario riba vacunacion y kier sa si esaki ta berdad e intencion aki. Esta si tin un acuerdo cu Common Trust Network, cu ta desaroyado di e app cu ta contene informacion di salud y vacunacion.
E parlamentario kier haya bista riba e contract aki, kier sa cuanto e gastonan envolvi, si a yega na un acuerdo caba, y con ta bay cubri e gasto aki. Pero tambe e ta haci pregunta riba e base legal di exigencia di un paspoort di vacunacion; pakico a yega na e decision aki; si a haci estudio prome cu a tuma un decision, tabatin otro opcionnan y cual e opcionnan ey ta. Tambe cual ta e partinan positivo y negativo di exigencia pa uzo di e app aki.
Loading…
Reload document 
Open in new tab Banda di e partinan ey, el a puntra mirando cu ta apenas a cuminsa vacuna y no sa ainda con efectivo e lo ta, con e mandatario ta haya cu e lo bay influencia biahamento pa Aruba cu un exigencia asina aki.
E ta haci un apelacion pa haya contesta di e 9 preguntanan por escrito.
