Tin reunionnan importante tumando luga entre contratistanan y RDA. Tin contratista no kier papia masha cos. Sinembargo Humberto de Castro a comenta cu e conteo oficial cuanto contratista tabata tey presente na e reunion, si e no tabata sa. Pero si tabata tin un gran cantidad presente di esunnan cu ta traha den e refineria. E motibo di e reunion tabata mas pa haya informacion di e situacion actual y tambe futuro di e refineria.
E speransa ta loke nan tin semper, segun de Castro. Tin hende no ta tuma esaki na serio. E trabao aki ta pan di e contratistanan y na final di dia ta un beneficio grandi pa e isla. Nan kier claridad con e futuro ta pinta, kico ta pasando actualmente, kico planesnan ta.
RDA ta e unico entidad di Aruba cu ta dunando oido y tempo cu e contratistanan y ta comparti informacion. A pidi algun reunion cu gobierno.
ULTIMO ORA: Contratistanan y RDA a reuni ariba situacion di Refineria
Posted by 24ora on Friday, July 5, 2019
A haya un of dos, pero no a haya ningun follow up meeting manera a keda priminti. Ta wardando riba eseynan ainda pa mira kico e plannan ta. Cosnan ta bisa publicamente cu ta trece preocupacion cerca e empleadonan y nan famia y e contratistanan kier sa kico e futuro ta pinta.
Trabao
Awor aki trabao ta masha limita. Tin poco trabao andando. Tin algun cos andando pero limita compara cu pasado. Riba e isla cos ta basta para.
Segun de Castro, nan lo keda insisti pa reunionnan constantemente. Nan kier sa kico ta bay pasa cu e refineria. E ta un pilar economico fuerte keto bay. Aunke cu tin un hotel ta bin p’ariba. Ta kere cu tur dos por biba den e mesun mundo. Pero mester tin un plan van aanpak y mester ta transparente kico e plan ta. No sa kico e plan ta, a purba di comunica cu ministernan, pero no ta hayando ningun contesta.
Esey ta e unico cos cu nan ta pidi, pa nan forma parti di e combersacion. Nan ta e contratistanan di e refineria, nan sa kico ta come y bebe eiden. Y ningun hende no ta puntra feedback y no ta haya tende nada sino ta for di RDA. Si no ta pa Alvin Koolman, ta puro rende nan lo ta tende.
No tin comentario
Di parti di Alvin Koolman, director di RDA, hopi comentario e no kier a duna ningun comentario. Si el a comenta cu tin movecion y semper tin speransa. Koolman a menciona tambe cu Citgo ta cumpliendo cu su obligacionnan.
