Riba 19 di Juli, durante un encuentro cu e stakeholdernan di ATSA hunto cu Prome Minister demisionario Evelyne Wever-Croes, e asociacion a entrega un carta cu ta subraya su preocupacion principal den e siguiente cuater añanan di gobernacion nos dilanti.
Riba e carta, a subraya Bubali Plas como un prioridad halto.
“E planta [Sewage Water Treatment Plant] na Bubali ta den cay den otro,” e ta bisa, “e ta completamente anticua, no ta trata e awa di manera apropia, awa ta bay te den lama cu bacteria cual ta un menasa pa salud y medio ambiente. Esaki ta crea un holo hopi fuerte tambe c’un abundancia di sangura den henter earea di Eagle Beach, specialmente ora awa yobe. Aruba mester un miho ley ambiental pa establece un miho manera pa deshaci di desperdicio y awa di pos di companianan local. Aruba tambe mester busca un miho manera pa sigura cumplimento. Mester atende cu esaki di inmediato, c’un alternativa pa tratamento di pos fuera di zona turistico, of si lo ta den e mesun localidad pa esaki tin un setup mas desaroya cu ta mantene tur rekesito y tuma tur precaucion contra holor y insectonan, respetando preocupacionnan ambiental y di salud publico.”
Hecho: ‘Aruba su sistema di drenahe ta sobrecarga, y ATSA ta hopi preocupa, awor haciendo su preocupacionnan publico pa prome biaha. A pesar cu e problema ta uno di mas cu 50 aña, esaki a escala den e ultimo añanan. Den Juni 2019, ATSA a haya sa di un rapport basa riba calculacionnan existente, e sistema [aeration system] cu loke nos ta deposita den Bubali Plas, no por logra e nivelnan di oxigeno rekeri pa haci esaki ‘limpi’.
E eficiencia actual ta mas abao cu 50% y tin un impacto negativo riba e wetlands na Bubali Plas. Pasobra cu Bubali Plas ta core e overflow dentro di lama, esaki por causa daño na bida marino cu bo no lo por recupera di dje. E nivel halto di desperdicio humano den e awa cu nos ta deposita den lama, ta afecta nos coralnan den un forma hopi negativo, resultando den erosion di nos beachnan.Sigur, esaki lo por afecta turismo, pero si nos KIER turista, nos MESTER bini c’un plan di tratamento pa nan awa di desperdicio! Esaki ta un alarma GRANDI pa ATSA, na bienestar di tur hende, como tambe di bida marino, reefs y pisca.’
E palabranan aki, comparti cu Premier Wever-Croes, a ta tuma for di un rapport: Preliminary Business Case for RWZI Bubali Aeration System, RWZI=Riool Water Zuiverings Instalatie, un documento tecnico di 34 pagina por medio di TNO, un entidad apolitico y independiente. El a subraya e problemanan potencial asocia cu riesgo halto di calamidad na nos medio ambiente. E rapport tambe a subraya solucionnan cientifico, tur concerni cu Bubali Plas.
Na november 2019, a bisa e hoteleronan cu DOW lo haci un mantencion rutinario na e planta uzando ekipo pisa. Despues di a caba e proyecto di infrastructura Bubali Plas lo mester a bini siguientemente, pasobra e lo rekeri DOW su atencion completo.
Mientras esaki a wordo mira como un riesgo ambiental, pero e proyecto a stagna door di falta di presupuesto y limitacion di legislacion.
Tambe mester menciona cu otro dos proyecto di DOW, Zeewijk, y Parkietenbos, tambe a wordo marca como ineficiente y vunerabel, esencialmente, nos sistemanan di desperdicio ta totalmente sobrecarga.
Bishitantenan na tur resort na Eagle y Palm Beach ta pagando pa tur esaki, nan ta keha constantemente riba e holor desagradabel na e area y cantidad di sangura cu muskita, cual e hotelsnan ta luchando tambe contra nan, cu kimiconan caro, pero sin tin mucho exito.
Mescos vocero di DOW a bisa, ultra sound testing haci na Bubali Plas a mustra prueba cu tin concreet cu ta bayendo atras, bara di esfuerso exponi, filtracion di fluido, descamacion y micro cracks.
Tumando na cuenta e observacionnan di inspeccion, evidencia visual, proximidad di tankinan den areanan di trafico halto di turismo, y potencial pa daño ambiental grandi, e ta sumamente recomenda pa cuminsa enfrenta e retonan aki AWOR.
ATSA ta bezig ta press e boton di panico.
A construi planta di tratamento di awa na Bubali na 1972, pero cu aumento den populacion, e flow diario y aireacion rekeri tambe a aumenta. Manera anteriormente menciona, mester mehora e sistema actual prome, despues lo mester a introduci un sistema di aireacion nobo. DOW mester bira mas transparente, comparti informacion continuamente tocante su actividadnan cu publico, y explora e solucionnan publico/priva na e retonan.
ATSA ta preocupa cu Aruba su gobierno ta lastrando su pianan. Aparentemente, un consulado ministerial a haci un decision caba cu ATA su fondo di calamidad lo financia e proyecto, y den e encuentro aki algun hoteleronan a primiti di cumpra bek e awa pa nan matanan, un situacion cu tur hende ta sali gana. Cunukeronan tambe lo ta contento cu esaki.
Kico nos ta wardando?
Kico mester pasa pa cuminsa remedia e situacion?
