Atrobe accidente cu dos herido na crusada di RCA na Solito

Pasa di 5:50 diamars atardi, e patruya di trafico hunto cu Playa a ser dirigi na e crusada di RCA. Eynan a sosode un accidente. Na yegada di patruya a bin topa cu un accidente basta bon. Polis a bay chek kiko exactamente a sosode y a bin saca afor cu  e Nissan Sentra color shinishi cu number  A-39256 y biniendo for di noord bayendo zuid a dal den un Chevrolet Spark shinishi numera A-35166. Esun aki a sali for di e crusada banda  pariba y chauffeur no a paga tino cu tin trafico ta biniendo di direccion di noord. A dal den e Spark. Un di e heridonan a haya un kap basta bon y e otro  tabata keha di dolor. Dos ambulance a presenta na e sitio pa asina paramediconan duna asistencia medico y despues a transporta tur dos herido pa hospitaal.

 

Comments

comments