Un rato pasa alrededor di 7:20pm a sosode un atraco arma riba un mini market den Avenida Milio Croes. E negoshi, Mirch Masala Cash & Carry a ricibi un bishita indesea.
Segun informacion e atracado tabatin arma di candela den su poder. Parce nan a bay cu un cadena di oro, no ta conoci kico mas nan por a bay cu ne.
E atracado ta un hende homber, flaco y cu cabey cortico. Varios unidad a busca den e area pero sin resultado, te hasta helicopter a yuda busca den e area di veld di Malboro. Atraco Team a presenta na sitio pa tuma tur informacion necesario.
