Atletanan di Taekwondo ta train duro pa e Best of the Best Test Event

Diasabra ultimo tabata tin training na Sero Alejandro pa e muchanan cu ta preparando pa e Best of the Best Test Event cu ta tuma luga dia 28 di September den Centro di Bario Brazil.

Manera Klabér semper ta bisa, training pafo ta mas duro y aki no tin tempo pa descansa. Training a sacudi e bario di Sero Alejandro. Mainta 7’or a cuminsa for di e pia di Sero Alejandro ta stretch los pia pa despues core subi e sero.

Esaki ta e parti mas facil te ora cu yega ariba unda cu mester haci tur cos subiendo e sero. E training a dura 3 ora y e muchanan a keda hopi cansa. Den e compilacion di e potretnan por mira un parti di locual a train. Training no a caba aki pasobra e meta ta pa dia 28 di September tur e atletanan duna un bon bataya.

Comments

comments