ATIA a wordu informa awe mainta trempan, cu douane ta tene un reunion den nos waaf awe mainta cu a cuminsa 8or, cu tin como consecuencia cu e trabow di saca container no por tuma luga.
Ariba esei, pa motibonan fuera di control di cualkier instancia, e barco for di Miami ta den nos puerto awe mainta. Commercio I nos economia ta depende completamente di e cadena di importacion . Nos tur mester realiza cu si e cadena di importacion aki kibra, Aruba ta bira sumamente vulnerable, I ta causa un scarcedad immediato di producto essencial ariba nos isla. E barco concerni den nos waaf ta subastia Aruba cu casi 70% di producto for di Merca, entre otro berdura I fruta I un gran cantidad di otro producto pa comercio I pueblo.
ATIA ta considera tur instancia envolvi den e cadena di importancion partnernan importante
pa commercio i nos economia, I ta applaudi e cooperacion I coordinacion cu e instancianan
aki sa duna pa nos importacion tuma luga efficaz.
ATIA atrobe ta keda trece e seriedad I consecuencia pa henter nos Isla dilanti ora e cadena di importacion kibra, I e accion di Douane awe mainta ta un kiebro serio cu consecuencia hopi negativo pa commercio I nos economia, affectando e.o nos pilar economico turismo, cu ta depende di container di producto frieuw pa hotel I restaurantnan pero tambe commercio I economia en general ATIA ta spera cu Sindicato di Douane realiza con hopi Aruba ta depende di nan I ta hasi un apelacion pa promer cu tuma un accion di sera nos waaf, pensa ariba e consecuencia cu esaki tin pa pais Aruba. ATIA ta spera cu e accion aki ta uno cortico I ta keda vigila e situacion cu a reina awe mainta di cerca.
