Awe ta dia 1 di Februari, 2018. Ayera nos por a mira algun cos menos bunita pa nos isla. Cual ta e spiraalrotonde, cu tabata tin banderanan totalmente destrosa pa motibo di biento, etc. Tabata un mahos bista pa cantidad di hende, entre otro turista y tambe localnan.
Tur dia tin miles di hende ta pasa riba e rotonde aki. Ta mahos bista ora cu tin un bandera di un pais, cu ta asina mahos. Pero, cos ta diferente awe. Na momento cu nos a trece e informacion na comunidad di Aruba, a pidi DOW pa tene cuenta cu esaki y nan a cumpli. Ayera mainta mes, na momento cu a caba di pasa e reportahe, un pa dos ora despues, nos a wordo informa pa nos usuarionan, cu DOW a bay den accion mesora y a cuminsa cambia e banderanan. Awe nos por mira cu el a wordo haci. Un bon trabao DOW a haci. Nan a reacciona di biaha y asina, riba peticion di pueblo.
Nos ta den diferente area pa trece informacion y peticion dilanti cu pueblo ta pidi. Nos tey pa mustr’e pa bo mir’e y kisas duna un opinion tambe, un pensamento kico por ta un solucion pa e problemanan cu tin y esaki tabata un di nan. Loke tabata falta na e constelaccion di bandera, ta entre otro esun di Aruba, probablemente lo no tabata tin den stock na e momento ey. Ta spera cu e demas banderanan cu falta wordo poni. DOW, bon trabao. Pueblo a reacciona y boso a cumpli.
