Maestro Ciro Abath ta traha cu un gran variedad di material y technica manera entre otro: glas, brons y ceramica. Na diferente luga aki na Aruba por mira y disfruta di e obranan di arte di Ciro, por ehempel: na Airport, Plaza Padu, Señora Justicia riba plasa Alameda y entrada Aruba Bank na Hato.
Ciro a sigui su mahestria na Academia di Arte Visual na Tilburg – Hulanda, cu un specialisacion den ceramica y obranan espacial tres dimensional. Despues el a sigui diferente tayernan na Academia di Verano na Salzburg, Fine Arts for Bronze, Urban Glass na New York, The Glass furnace na Instabul y Stipglas na Tilburg y un periodolargo di trabou na e Europees Keramisch Werkcentrum na Den Bosh.
Na 2008 Ciro a lanta Terrafuse cu e meta pa stimula y trece e arte di glas y ceramica na Aruba, door di organisa cursonan y realisa obhetonan.
Den e workshop na Ateliers’89, cu lo dura cuater siman y ta srart dia 4 di januari proximo lo pone enfasis riba e formacion di ceramica. Ta stimula e participantenan pa acerca conceptualmente ceramica. E tema central ta:“Inclucion:”, esey kiermen cu lo agrega obhetonan organico y otro elementonan haya y lo ta incorpora den e klei: vegetal, animal, metal, etc.
Klei den su estado plastico tin un caracter exopresivo halto. Bo mannan ta e prome herement. Den e technicanan tambe tin estetica y posibilidadnan pa refinamento. Bo sentimento personal por expresa den esaki. Door di hornamento e ta bira duro y ta haci e cermica keto, e proceso lo tuma un rumbo contrario y asina ey bo trabou ta haya forma. E workshop aki ta habri pa principante y avansa, lo no exige ningun studio previo di ceramica.
Pa inscripcion por manda un e-mail cu tur bo datonan na Ateliers’89 su e-mail [email protected]. Inscripcion ta bay segun conforme e principionan di Ateliers’89 y sin exclui ningun hende. Por yama pa mas informacion na 5885776 of 5654613. Edad ta 12 aña pariba y e workshopnan ta pa un luna. Dialuna pa diahuebs di 6:30 pa 9:30pm. Ateliers’89 ta situa na man drechi di e crusada di Maria College na Playa. No perde e oportunidad unico aki y inscribi bo mes na tempo ya cu ecuponan ta limita.
