Tin hopi cos straño a sosode den henter e caso di Bochincha y cu e politico di UPP ta cuestiona. E cosnan strañ no ta solamente pasobra no ta actua contra e negoshi aki pa violacion di protocol, pero henter su lantamento a bay straño, Booshi Wever a bisa.
For di algun dia prome cu e sucedido caba, el a publica riba Facebook con e trabounan na e luga aki a bay manera hopi pura.
Den investigacion cu el a haci a mustra cu a inscribe e negoshi aki dia 10 di juli y pa 10 di December ya el a habri. “E ta cosnan cu nos ta haya peculiar y insolito. Pero atrobe e ta cla pa nos, ken ta manda y na unda.”
Pero tambe el a bisa cu ta “ta parce cu Bochincha ta parce manera un mashin pa locual Otmar a enrikese su mes pa tanto corupcion cu tabatin den gobernacion. Mi ta bisa esaki bon cla pasobra mi ta kere cu a yega momento pa desenmascara cierto hendenan. Y hendenan cu ta taskforce ta hendenan hopi cerca di Otmar.”
E politico mas a haya yamada y potret di personanan cu tabata den Bochincha. E no ta compronde con eynan “the sky is the limit”.
Informacion cu e ta dispone di dje ta cu ta varios negoshi tin den e luga ey pa cual mester a pidi diferente permiso y pa straño cu e por zona, tur a keda cla. E ta puntra si tur departamento a haci nan trabou debidamente y ta kere cu ELMAR lo mester a paga overtime pa caba cu e sistema di coriente, mientras cu e ciudadano comun y coriente no por keda cla asina rapido. “Ya sa caba ken ta call the shots den e gobierno aki.
