Hopi hende no ta comprende e gravedad di Coronavirus. Hasta hendenan bon studia, politico ta argumenta cumi cu mi ta tumando e virus mucho na serio, mientras cu tin otro virus cu ta mata mas hende anualmente, manera influenza.
Berdad cu tin hopi otro virus mas peligroso, pero Coronavirus ta cabando cu e economia mundial. Bolsa di balor ta sigui cai, companianan di aviacion ta batiendo bancarota, companianan di barconan crucero ta perdiendo un cantidad di placa. Eventonan grandi den diferente paisnan na unda ya e a yega ta stop esakinan.
Skolanan, Universidadnan ta ser sera. Rumannan como ser humano, naci 73 aña pasa nunca mi a pasa den un enfermedad, un virus cu ta causando tanto daño na mundo henter. MERCA A APROBA BILLONES PA CIENTIFONAN HACI ESTUDIO CON PA PARA E VIRUS. Aki na Aruba papiando cu algun persona cu tin posicion importante den hotelnan ta bisa mi, cu yai tin diferente cancelacion ta drentando diariamente, no pasobra Aruba tin un caso, PASOBRA HENDENAN TIN MIEDO DI VIAHA DEN AVION Y BARCO.
Cuanto Arubiano mes cu tabata tin plannan traha pa viaha a cancela esaki, debi na e virus. Ken tin gana de bai den carentena pa mas di un luna largo, menera ta sosode cu un hotel na Tenarife, 900 turista sera pa simannan, un barco dilanti na Japon cu turistanan pa dianan sera. Esaki no ta wega rumannan. Italia den apenas 3 siman a perde 80 % di su turismo, Merca ta tumando pasonan severo y un control severo pa evita mas contagio. Na Hulanda den un par di dia e cantidad a subi considerablemente, cu consecuencianan cu hopi actividadnan grandi, manera e Euro Songfestival lo ser cancela etc. Mi por keda menciona mas ejempel, loke boso mes ta lesa o mira den noticianan.
Kiko esaki lo nifica pa nos pais o ta nificando caba?
Un caida grandi di nos economia, nos entrada ta bin di turismo practicamente, invoerrechten ora cu productonan ta drenta Aruba y belastingnan cu mester ser paga. Cuanto barco cu productonan ta drentando nos pais y asina paga invoerrechten? Si no tin benta Gobierno no ta ricibi belasting, ATA no ta ricibi entrada etc. STOP DI PENSA ARIBA E VIRUS COMO TAL, PENSA KIKO E TA CAUSANDO MUNDO ECONOMICAMENTE. Gobierno tin un seguro, manera otro paisnan, pa si algo pasa sigui paga su debenan, paga empleadonan, esnan cu ta cobra pension?Coronavirus ta e virus, manera World Health Organizations a catolgu’e ta e enemigo number uno di e ser humano.Ken ta yama pueblo pa oracion, ami so, unda cleronan a keda, unda politiconan a keda, unda instancianan profesional a keda? Mi rumannan stima ami si ta sigui pidi boso pa sigui reza hunto cumi, pasobra si turismo cai Adios Aruba, ni producto suficiente nos tin. Oracion ta nos unico salbacion.
Mi ta spera cu den tur misa e siman aki, lo reza pa scapa nos pais y tambe tur pais di mundo, PA BIN UN REMEDI PA CURA E VIRUS AKI.Gobierno y Obispado mester organisa un dia Nacional di oracion pa pidi Señor pa ilumina e scientificonan pa haya un remedi pa combati e virus aki. Boso ruman cu ta stima boso, stima Aruba y cu ta reza tur dia pa boso. Atan Lee sr.
