Asociacion di Fisioterapista (AVF) reuni cu minister di salubridad riba nan preocupacion. P’e asociacion e reunion a bay bon y a papia hopi pa yega n’e solucionnan. Minister a scucha nan y e asociacion a trece cierto punto dilanti, cierto preocupacion.
Presidente di Asociacion Fisioterapista di Aruba, Marlon Maduro, a indica di a splica e mandatario riba e parti di salimento di pakete. E mandatario a sigura nan cu esey no lo pasa, esta no lo saca nan dje pakete basico di AZV. A informa cu tin mas preocupacion manera eigen bijdrage y hopi hende no por haci esey. E mandatario a informa nan di no sa kico ta e otro stapnan nan lo tuma, pero no por descarta esey ainda.
E puntonan treci dilanti tabata:
· Preocupacion pa no saca nan di e pakete, pasobra esey lo perhudica hopi hende na Aruba;
· Eigen bijdrage di cual nan ta consciente cu hende no por paga esaki, esta hende mayor di edad tin algun cu no por paga esaki;
· A compronde di ta bezig cu clinica di obesidad, pero como fisioterapista y stakeholder di salud, nan ta haya cu nan mester ta presente den e comision. E asociacion no a haya un invitacio pa ta presente den e comision y e mandatario a informa cu esey no ta den su man, pero lo papia cu esunnan encarga dje comision pa mira si AVF ta haya chens ainda pa drenta den e comision como e parti specialisa riba movecion di hende no solamente saludabel, pero hende cu cierto problema.
Tin shete fisioterapista cu a haci curso di lifestyle coaching cu ta hopi importante pa ta den e clinica di obesidad. Esaki ta pasobra un persona tin di bay cambia su manera di biba pa bira mas activo y controla e peso.
E tempo ricibi dje mandatario no tabata hopi largo y no a discuti hopi cos, pero a percura pa yega na solucion. Fisioterapista ta esencial pa salud di pueblo pa yuda y mester reconoce den otro comision.
Pa cobertura mas amplio, lesa e edicion di TREMPAN mañan.
