Land Aruba ta brinda studiantenan un prestamo pa yuda cu gastonan di estudio: Arubalening.
E studiante cu ta opta pa sigui studia na Aruba na Colegio EPI, Instituto Pedagogico Arubano
(IPA) of Universidad di Aruba (UA) tambe ta bin na remarca pa un Arubalening.
Aplicacion pa un Arubalening desde aña 2017 ta tuma luga den forma digital a traves di e
Arubalening Portal. E studiante mester cuminsa cu registra pa un Arubalening Account y cu e
account aki e por login den e Portal pa sigui cu su proceso di aplicacion.
Deadlines
E proceso di aplicacion tin diferente deadlines. Studiantenan cu kier ricibi Arubalening entrante
augustus 2020 pa studia na Aruba tambe mester tene cuenta cu e deadlines aki.
Mester remarca cu no ta necesario pa warda te na momento cu haal un diploma pa cuminsa cu
e proceso di aplicacion. Entrega di diploma (di vooropleiding) ta un di e ultimo rekistonan den e
proceso. Riba e website di Departamento di Enseñansa Aruba (DEA) por haya informacion di e sumanan cu por bin na remarca p’e den caso cu aplica pa un Arubalening pa studia na Aruba sea na EPI, IPA of UA.
Ta conseha tur studiante pa haci un calculacion di gastonan di estudio y haci un calculacion tambe di sumanan na disposicion di e studiante pa cubri e gastonan aki. A base di e calculacion aki por haci un escogencia consciente si ta aplica pa un Arubalening 2020-2021. Pa mas informacion di Arubalening, e proceso di aplicacion y e diferente deadlines mester acudi na website www.ea.aw y busca Arubalening Portal den e alfabet menu riba nos pagina principal.
Tambe por sigui DEA via Facebook y Instagram @educationaruba. Pa motibo di e situacion di crisis (covid-19) y pa motibo cu DEA ta den proceso di mudamento,su oficinanan ta cera pa publico te cu proximo aviso. Durante e temporada aki por comunica cu DEA via email. Pa preguntanan relaciona cu Arubalening mester manda un email na [email protected] y lo haci maximo esfuerso pa contesta mas pronto cu ta posibel.
