VeneAruba Solidaria ta un organisacion cu ta acumula donacion pa ayudo humanitario pa asina por hiba esaki pa e comunidad na Venezuela.
Un voluntario di e organisacion aki a splica cu nan tin basta dia caba na Paseo Herencia y for di dialuna siman pasa nan tin varios punto specifico unda cu tin caha caminda cu hende por haci donativo.
Meta ta pa recolecta lo maximo pa asina hiba Venezuela. Nan no tin un meta preciso. Loke mas por recolecta, ta loke nan lo manda dia cu bisa cu awo si ta e dia cu e personanan di VeneAruba y e otro fundacionnan cu e sociedad civil tin recolecta, pa manda Venezuela.
VeneAruba Solidaria ta un fundacion estableci na Aruba, pero ta traha hunto cu Venex Curacao, tambe cu VeneBonaire, tambe cu Vene America Central. Cu hopi organisacion na mundo. Logicamente esaki ta un yamado mundial cu nan ta haciendo. Un yamado cu a haci for di Venezuela, pa recauda ayudo humanitario mundialmente. Como fundacion VeneAruba Solidaria a haya e invitacion di VenexCorsou, cu ta encarga pa e ayudo humanitario pa e logistica, mirando cu nan ta e hub den Caribe.
Ta trata aki di productonan di prome necesidad, manera cuminda y tambe remedi. Por mira cu hendenan ta cuminsa haci donacion di pampers, lechi di baby, hariña Pan, tambe juice.
Tin un cantidad di cos y tambe tin hopi cos cu ya caba a warda. Pasobra ta selecta y warda nan. For di eynan ta poni den un container, pa despues tin un inventario total di loke tin y despues manda unda e tin cu bay.
E donacionnan aki por wordo entrega na Paseo Herencia, pero tin mas luga unda cu por pasa y haci bo donacion.
E otro centronan por pasa henter dia, manera cu nan habri. Na Paseo Herencia nan tabata tin di diabierna pa diadomingo durante henter dia. Tambe, durante siman, nan ta na Paseo Herencia, despues di 5’or y den fin di siman nan lo tey despues di 9’or di mainta.
E otro centronan ta Espiga di Oro, Caliente 90.7 FM, Kairos Boutique, Ricarepa, Twenty 2 Gelato, Beach Tennis Aruba, Isla Pop, Bontires, Caribbean Print Center y tambe Coco Plum Restaurant.
Pa mas informacion por manda un email na [email protected] of tambe por yama na 5633313 of na 5937694.
Pone man na bo curason. E biaha aki ta pa Venezuela. Di berdad nan tin mester di tur e productonan cu nan ta solicitando. Manera cu por a wak kico nan ta haciendo, kico a pasa y esey no mester baha e animo. Ban sigui yuda tur e personanan cu tin mester di esaki. Ta mas di 365 mil hende cu tin mester di ayudo.
Un hariña pan, un bleki, un compota, ta yuda un mucha y un famia.
