Tres dama a pasa den un susto grandi dialuna atardi laat birando anochi. Riba e caminda di Sasaki nan tabata coriendo direccion Nort. A caba di pasa lus di trafico di Guardian Group. Despues di pasa lus di trafico, e chauffeur cu e Honda Accord RHD blanco coriendo duro no a controla su velocidad. Direpente un auto a brake su dilanti. E chauffeur di e RHD a busca manera di kita pa e no dal. Asina el a baha caminda na man drechi. A ranca tres pida palo staka canto di caminda y bolter banda di e duiker. Testigonan a bati alarma.
Prome instante a kere cu e accidente ta basta grave. Ora cu polis a yega ta tres dama tabata den e auto y uno tabata sinti brasa. Ambulance a presenta. Tur tres tabata riba pia. Nan mes a cana bay den ambulance. A pidi takelwagen pa move e auto cu tabata riba su dak.
