Dialuna atardi a sosode un accidente riba e caminda den barrio di Palm Beach. Un chauffeur cu un Lancer a perde control dal den un cura di piedra. E chauffeur tabata bin di Monserat bayendo Palm Beach. El a pasa un birada y a coy e birada mucho grandi. E velocidad poco halto y baha un tiki riba caminda di Santo a pone e chauffeur perde control. A purba trece e auto bek pero e tabata dificil.
A subi caminda atrobe y djey baha caminda na man drechi dal den e cura. E cura a kibra y tambe e auto a keda tur kibra dilanti. Aunke a kere tin hende herida, tog e chauffeur a sali ileso di e accidente. Polis di trafico cu Forensys a handle e accidente. Takelwagen tabata necesario pa hiba e auto pa e doño. E chauffeur ta un hoben cu ta traha y bay HAVO. E accidente aki nifica cu el a keda na pia. Mester basta placa pa drecha e auto.
