Aruba completo awe ta di luto. E noticia di morto di e di dos hobencitonan a laga un dolor
amargo den nos pueblo. Un caso lamentabel na unda esnan cu mas mester a proteha dos
criatura a dicidi di termina nan bida den un forma hopi cruel.
Un caso cu ta pone nos tur pensa si realmente nos a haci tur posibel pa evita algo asina hororoso. Gobierno di Aruba lo no laga e sacrificio di e dos criaturanan aki bay envano. E problematica di abuso di mucha lo haya e debido atencion pa asina nunca mas algo asina pasa. E caso lamentabel aki lo resulta den medidanan y accionnan pa preveni cu situacionnan asina ripiti. Awe tardi Bestuurskantoor a pone bandera halfstok pa demostra e tristesa grandi cu ta reina pa motibo di e fayecimento di e dos rumannan aki di apensa 5 y 3 aña. Prome Minister Evelyn Wever-Croes y Gabinete ta extende palabranan di condolencia na famianan di e criaturanan y na Aruba en general. Cu Rishandroh y Eugene drumi dushi den brasa di Dios.
