Diasabra awo, dia 1 di Juni, CuraBox ta organisando un evento boxistico den Sala Niels Liberia Suffisant, na Corsou, for di 6’or di atardi pa 9’or di anochi. Boxeadornan di Aruba, Boneiro, St. Maarten y varios team local ta bay participa.
Esey ta un di e actividadnan cu Edwin Baas di Curacao Boxing Association, Curabox ta organisa, bao di auspicio FDOK, cu ta haci e sosten financiero posibel.
ITO Course
Dianan 22 pa 24 di Mei, Edwin Baas di CuraBox tabata na St. Lucia pa e participacion den e ITO Course di e Asociacion Internacional di Boxeo (AIBA).
Esaki ta pa sigura cu oficialnan di e competencia ta up to date cu e reglanan di mas reciente. AIBA a setup e programa di ITO pa train y certifica oficialnan. E meta ta pa sigura cu tur oficial di AIBA sa di e reglanan, cu nan por tuma e decisionnan corecto durante competencianan di AIBA y mantene fairplay y neutralidad na beneficio di tur competidor.
Adicionalmente na Corsou y pais anfitrion St. Lucia, Barbados, Bahamas, Jamaica, Guyana, Dominica, Trinidad & Tobago, Bermuda y Cayman Islands a participa.
E curso a wordo duna pa Angel Villarreal (Merca) y e examennan a consisti di 3 parti; un examen practico, un examen escrito y un examen oral.
E resultadonan lo wordo anuncia despues di tres siman, pero Baas ta convenci cu el a pasa, aunke cu el a haya cu e examennan no tabata facil.
Pa Corsou, cual ta un pais y organisacion recientemente a bira un miembro oficial di AIBA (November ultimo), participacion den dje tabata di gran importancia. No solamente debi na e promocion di experticio, pero tambe cu Corsou ta tuma boxeo y na miembresia di AIBA hopi na serio.
E reglanan tecnico y di competencia di AIBA tabata tin cambionan reciente. Edwin Baas awo lo pasa e conocemento adkiri na referee, hues, timekeepers, trainer/coachnan, boxeadornan y tur hende envolvi den boxeo amateur.
