Aruba Marriott recientemente a organisa un ‘Glow in the Dark’ Zumba event pa su asociadonan y nan famia pa asina promove bienestar, salud y felisidad entre asociadonan.
Marriott ta duna cuido na su asociadonan door di ofrece nan programa y recursonan pa yudanan den nan bida profesional como tambe personal, manera entre otro lesnan di ehercicio, guia nutricional y guia pa maneha nan finansanan.
E ‘Glow in the Dark’ zumba event a tuma lugar riba e parking lot di Grand Ballroom unda cu tawata tin 120 participante presente cual a consisti di asociadonan cu nan famia. Instructora di Zumba Nelly di Step Up Zumba Fitness a sigura cu esnan atendiendo a disfruta mientras cu nan tawata hasi ehercicio. Alaves pa añadi e efecto di ‘glow in the dark’ na e evento, esnan cu a atende a hasi uso di body paint di colornan neon door di Lila’s Face and Body Creations y tambe diferente premionan a wordo rifa entre e participantenan.
Aruba Marriott a organisa e evento aki como parti di Marriott International su esfuersonan pa promove bienestar, salud y felisidad entre su asociadonan por medio di e Marriott Take Care Program, cual ta un iniciativa cu ta sostene Marriott International su cultura di ‘Putting People First’. Esaki ta encera bienestar fisico, emocional, profesional y finaciero. Por medio di e programa aki, Marriott ta yuda su asociadonan enfoca riba nan salud y e importancia pa cuida nan mes manera cu nan ta cuida e huespednan.
Esnan cu ta interesa pa cuminsa nan carrera na Aruba Marriott por bishita www.marriott.com/careers pa asina repasa e posicion nan di trabou cu ta habri actualmente.
Aruba Marriott Resort & Stellaris Casino a habri na aña 1995 cu 411 camber. Na aña 1999 a habri Ocean Club cu 311 camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos 1200 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.
