Aruba ta cla pa e hornada mundial di hobennan na Panama. E lema di e aña aki, “Ata cria di Señor, haci cumi segun bo palabra.”
Ta trata aki di un grupo di peregrino di diferente parokia, cu ta consisti di pastoor, hoben y adulto. Meta di e peregrinacion aki ta pa haci un entrega total di nan curason, manera Maria a haci na Señor.
E encuentro na e hornada mundial hubenil cu Papa Francisco, lo tuma luga dia 22 pa dia 27 di Januari na Panama.
E programa lo consisti di les di catisashi di iglesia Catolico, concierto di hobennan, caminda di cruz cu e cruz peregrino di hornada mundial hubenil, vigilia y mas importante, e santa misa y encuentro cu Papa Francisco.
E hornada mundial di hobennan pa Panama, mester tabata tin mester di fondo. Pa recauda fondo, no tabata facil. A haya hopi contratiempo durante cu nan a organisa nan actividadnan.
Pero toch na final a logra organisa cuater actividad cu a yuda logra e meta pa por a yuda principalmente e hobennan pa nan por participa na e hornada mundial na Panama e aña aki.
E actividadnan cu a organisa tabata un caminata, bendemento di snackbox y bendemento di cuminda.
Ta gradici tur esnan cu a yuda pa recauda fondo pa e hobennan por a participa.
