Awenochi a tuma luga inscripcion pa Festival di Tumba 2019 na Sandra’s Garden riba Linear Park. “Tur cos a bay bon”, asina Julissa Boekhoudt, Relacionista Publico di Loco Lobo Productions, organisado di e Festival di Tumba 2019, a bisa na final. Un total di 22 cantante a inscribi, compaña pa 9 banda musical.
E bandanan lo ta Extatic, Rincon Boys, Aiwalos Band, Sound and More, One of a Kind, Buleria, Loutiza y su Orkesta, Zeta Band y D’Licious.
Segun Julissa Boekhoudt, a resta solamente 3 mesa VIP cu ta costa 75 florin pa persona na un mesa pa 10 persona, compaña cu servicio di waiter. Net su tras tin e seccion VIP seating cu ta 50 florin pa persona. Ta haya stoelnan poni pa asina bo por disfruta di e festival. Entrada general ta costa 25 florin pa persona. Ta permiti drenta cu stoel si ta desea.
