Diahuebs anochi a inicia e competencia internacional di Bolas Criollas, den cu 4 ekipo di hende muhe y 5 ekipo di hende homber a bay representa Aruba. Directiva di e Federacion di Bolas Criollas di Boneiro a desea tur team hopi exito durante e competencia.
E prome wega a inicia pa 7:00pm y a bay te cu oranan laat di anochi. E teamnan di Aruba tin weganan gana y perdi, pero awe nochi lo sigui bataya buscando pa hunga diasabra y yega final.
E teamnan representando Aruba den seccion di hende muhe ta Papaya Ranch Tira Malo Pega Bon, Basora y Rolling Ball, mientras cu den seccion di hende homber ta Tira Malo Pega Bon, Hurricane, Papaya Ranch, Querendones y Rolling Ball.
