Empleadonan di Serlimar a ricibi un carta for di APFA diabierna, informando nan cu Serlimar tin mas di 90 dia sin deposita placa cu ta wordo kita for di e empleadonan den e fondo di pensioen.
“Ki smoejse lo bin cun’e awo? Kico e spindoctors lo bin awor cune? Ta pa motibo di secura y calor no a deposita? Of mester a paga sponsornan prome?” ta loke lider di UPP Booshi Wever ta cuestiona.
E ta sigui bisa: “Mester a paga e huur di e edificio na Pos Chikito, mester a paga un otro sponsor pa e huurmento di ekipo of mester a paga pa e leasemento di truck cu bidding ge-fixed, pesey no a resta placa?
Mientras e STEMPELPARLAMENT ta cu vakantie, e empleadonan di Serlimar ta sufriendo. Unda e sindicatonan balente a keda?” lider di UPP a puntra, kende ta mustra claramente NO ta cu vakantie, manera e otro mandatarionan.
