Campeonato HEINEKEN fast pitch femenino AA a continua riba canchanan na Pos Chiquito. E equipo Aruba Bank Lady Tigers a baha fuerte riba e hobennan di Rockets y ta propina nan un black out den 3 inning.
Aruba Bank Lady Tigers ta produci 20 careda den bom di 2 inning den un inning maratonico y esey tabata e wega. Aruba Bank 20 careda, 19 hit, 1 error y ta laga 3 coredor na base. Rockets 0 careda, 1 hit, 1 error y ta laga 1 coredor den circulacion. 
Mihor bateadornan pa Aruba Bank ta Shakeena Croes di 3-2 cu 1 cuadrangular mas un triple cu 7 careda impuha y 2 anota, Ilajay Tromp 1-1 cual porcierto tabata un doblete, Anshellie Feliciano 2-1 cu 3 rbi, Nikkaela Jacobs 3-2, Yonina St Jago di 2-2 cu 2 rbi, Genilee Thiel di 2-2 cu un doblete mas 2 rbi, Rudlyn Ras di 2-2 cu 2 rbi mas 3 careda anota, Gabriela Geerman y Lissandra Geerman ambos ruman a bay di 3-3 esta un total di 6 hit den nan dos. Pa Rockets Frangeline Danies a bati e unico hit pa su equipo y a bay di 1-1. Rudlyn Ras ta seya e victoria riba su nomber tirando 7 bola y 17 strike pa un total di 24 lansamento den 3 inning permitiendo 1 hit y no ta permiti careda y tampoco ta regala ningun base por bola. 
Pa Rockets Mildred Kock ta perde e partido lansando 12 bola, 24 strike permitiendo 9 careda tras di 10 hit. Shakira Kock ta drenta releva 2 tercio y ta tira 26 bola, 24 strike permitiendo 11 careda tras di 11 hit mientras e ta regala 3 base por bola. Campeonato ta continua diabierna awor unda pa 7pm den categoria AA Eagles lo enfrenta Rockets y pa 830pm Jaguars Vitamin Water lo enfrenta Aruba Bank Lady Tigers y diasabra pa 3pm unda den categoria U17 femenino Rockets lo enfrenta Eagles y pa 5pm den categoria AA Rockets vs Eagles. Fanaticada Boso tin un compromiso fin di e siman aki.
