Scolnan cu no tin airco ta un problema awendia. Airco no ta un luho mas, Minister di Enseñansa Rudy Lampe a bisa diahuebs mainta.

E expresion aki el a haci tanto durante un ceremonia di firmamento di un MOU na Parke Arikok como den e conferencia di prensa di Gabinete Wever Croes. “Airco ta indispensabel na tur scol nobo ye snan cu ta wordo renoba,” e mandatario a bisa.

Minister Lampe ta confirma adaptacion orario di les na algun scol

Minister Lampe ta confirma adaptacion orario di les na algun scol

Posted by 24ora on Thursday, September 19, 2019

Di diaranson te cu otro siman, 25 di september, e mandatario a confirma, scolnan cu no tin airco ta caba pa 11’or di mainta. Di e forma aki ta evita cu nan ta sinta haya les, sin por concentra, den un area hopi calor. “Ta hopi dificil den e calor cu ta haci na Aruba, pa por duna lesa. Ainda nos scolnan, no ta tur a logra haya un airco. E plan ta den ehecucion pa fase pa fase bini na turno pa haya airco. Aunke airco no ta e condicion mas importante. E sistema di coriente mester ta uno moderno, pa por instala airco,” Lampe a splica.

Tambe el a trece dilanti cu e decision di CAFT cu no por haci proyectonan di PPP mas sino te despues di 2021, a haci cu no por a planea renobacion grandi pa cierto scolnan. Na momento cu esey por sosode, lo pone airco na e scolnan cu falta.

Otro siman lo evita un aviso nobo dependiendo di e situacion.

Manera 24ora.com a informa caba ayera, SKOA a confirma cu nan tin 10 scol na unda cu tin klasnan,of lokaalnan, cu no tin airco y ta haya nan mes obliga di manda e muchanan cas tempran.

Comments

comments