Aruba Bank a organisa e di dos tayer cu Fundacion Museo Aruba cu e meta pa promove creatividad y expresion artistico carnavalesco. Un grupo grandi di interesado a participa na e workshop diasabra mainta na San Nicolas den e edificio di Carnaval Euphoria.
Tur presente tawata entusiasma pa siña con pa corta t-shirt na un manera profesional y creativo. Sra. Luella Malmberg-Miguez a duna e di dos workshop den e tereno di su experticio cortamento di t-shirt.
El a siña tur presente algun tecnica y sugerencia con pa corta miho e t-shirtnan y variacion di modelo segun cada gusto. E participantenan a ricibi nan tas cu variacion di stenchi, lijm y sker pa traha cun’e na e workshop. Aruba Bank ta contento di por trece un experiencia unico pa e participantenan y ta invita comunidad pa sigui nan na https://www.facebook.com/Arubabank/ pa participa den e siguiente workshop carnavalesco pa 2019.
