Comision di Salud di Parlamento a tene un reunion cu Stichting Algemene Bejaardenzorg Aruba (S.A.B.A.). E comision a reuni un otro biaha caba cu e fundacion, unda a bay mira e instalacion. A nota cu mester mas personal pa traha, e lista di espera ta birando cada bes mas. Tambe e asunto di recorte financiero ta hunga un rol.
Dokter Arthur Vallejo, parlamentario di MEP, a indica cuido di grandi semper ta un preocupacion pa nan. Tambe proyeccion di estadistica ta mustra riba e lista di espera cada bes ta bira mas grandi pa SABA. SABA tin hopi aña ta trahando riba proyecto pa expansion. Problema aworaki ta e situacion financiero. Ministerio di Salud a logra amplia cu camber nobo e parti di SABA y esey ta algo positivo.
Nan tur sa cu tin recorte tumando luga den salud, esta 60 miyon. Awo un di e otro problemanan ta persona pa traha den e cambernan nobo. Ta camber nobo cu tin y por bisa cu “bo lo ta contento di wak bo hende grandi den e cambernan akinan.” E cambernan ta espacioso, nan tin tur standard, baño ta adecua, facil pa rolstoel, facil pa yuda e persona den SABA. Segun e parlamentario, pa nan ta importante e cuido di e grandinan, importante ta e direccion di SABA. Tin hopi inkieto.
Su persona ta mira ademas cu SABA ta presenta e problemanan, nan ta purba diferente solucion. Esey tambe ta importante, pasobra nan tur sa cu tin diferente problema financiero economico den e pais. Tin recorte y tur den area di salubridad a sinti esey. E tin nan preocupacion y tin diferente forma pa evalua. SABA a presenta pa informa tur parlamentario di e comision di salud diferente punto importante p’e hendenan grandi riba e tema di demencia.
Demencia ta un punto cu den futuro mester studi’e pa Aruba. Tin estudio na Corsou y Merca cu ta indica cu mas o menos promedio cu persona di 65 – 70 aña, cada un of dos persona ta cuminsa sufri di demencia. Esey ta hiba na incapacidad hopi lihe p’e pashentnan. No solamente a mira cu e edad ta subi, pero tambe a cuminsa haya caso di persona mas jong.
Pa mas lesa TREMPAN.COM.
