No tin nada di fiesta na Den Haag aworaki, ta loke cu parlamentario y ex-minister di husticia mr. drs. Arthur Dowers. Si mira e hendenan aki a huur un luga na Marriott pa pone fiesta, e parlamentario ta cuestiona “fiesta di kico.”
“Boso mester tin berguensa cu boso tin cu manda Ady Thijsen tuma over e desaster cu Besaril a traha. Tin un investigacion cu tin cu tuma luga pa sa cuanto placa a keda malversa na Arubahuis y ki desaster a comete na Arubahuis. Ki ilegalidad a tuma luga.
Pero e rapport ey no por sali pasobra boso ta druk bezig ta fiesta. Kico e realidad tin cu fiesta. Kico precies, Ady Thijsen a tuma over un cartera cu for di un persona cu a haci un desaster. Un persona cu Evelyn Wever-Croes tabata informa cu prome cu eleccion e persona aki tabata fout bezig na Arubahuis, a lag’e na Arubahuis.
E prome minister ta papia di integridad, ta papia cu ta contra criminalidad, cu ta contra di corupcion. Pero a laga e persona aki keda siendo cu tabatin denuncia mustrando hopi cla cu e persona aki tabata comete acto ilicito. A manda investig’e, pero ta purba te n’e momento aki tapa e cosnan cu ta pasando. Aworaki ta organisa fiesta.
Si esaki nan tabata kiermen cu “Feestvierend ten ondergang”. Ta bezig akirato ta bin cu un belastingplan den parlamento, cu ta bira e ondergang dje pueblo,” e parlamentario a bisa por ultimo.
