Diahuebs merdia Monica Pimentel di Impact Taekwondo y Jayden Croes di Aruba Zwembond a sali di biahe pa Cancun, Mexico pa atende c’un reunion di Cancun 2022 Pan Am Sports Athletes Forum. E reunionnan aki lo ta e dianan 2 pa 5 di december. Den e forum nan lo atende diferente sesion informativo di anti doping, personal branding, social media, after sports career y salud mental.
Solamente e atletanan cu a yega di participa den Olimpiada, manera Monica Pimentel cu a participa na Rio 2016 den e deporte di Taekwondo bou -49 kilo for participa n’e forum aki.
Monica Pimentel ta Presidente di Aruba Athlete Commission y e tin cu duna cuenta di tur informacion duna n’e forum. Tambe e ta coach di Taekwondo di Aruba y ta preparando pa Forth Myers.
Jayden Croes y Monica Pimental ta gradici Comite Olimpico Arubano “COA” pa e oportunidad pa ta presente na Pan Am Sports Athletes Forum na Cancun, Mexico.
