Ultimamente tin henter e cuestion di acusacion contra Benny Sevinger y loke a pasa ultimamente e alehamento di Ryçond Santos do Nascimento. E ultimo desaroyonan ta mustra cu partido AVP realmente ta descualifica. Miho bisa, el a descualifica su mes, segun Armand Hessels, presidente di Fundashon Gobernashon di Calidad Aruba (Stichting Deugdelijke Bestuur Aruba).
El a perde tur su credibilidad y esey ta haci cu cierto momento no tin un oposicion debido mas. Esey ta algo cu tambe pueblo di Aruba mester cuminsa wak bon.
Mester sigui papia di oposicion y coalicion, pasobra oposicion kiermen cu mester ta contra di tur cos, loke semper tabata forma parti. Segun Hessels, tin cu bay den full un otro sistema pa hiba politica, no a base di oposicion, sino bin cu maneho con por adapta e maneho cu tur hende ta sinti nan mes bon.
Hessels no sa si partido MEP ta un cambio hopi grandi. Tin basta elemento cu tampoco ta mucho bon. Pero e cambio real no ta bin for di e partidonan mes pero for di comunidad. Hessels tin masha hopi problema cu e echo cu hopi hende sa miho, pero tur ta keda keto, cual e ta sinti como un tipo di cobardia, a pesar cu ta consciente cu hende tin masha hopi miedo di e represalia cu tin riba nan.
Sea cu ta forma parti di e aparato gubernamental of si ta comerciante. Hessels ta compronde e parti ey, pero esey si ta haci cu tur critica cu tur tin, nada ta bay cambia pa motibo di e silencio di tur hende. Si tur hende uni nan mes, si tur e organisacionnan cu sa miho organisa y tuma un postura uni, e ora ey por cambia e calidad di politica y bay den un sistema hasta sin partido politico na unda nan mes ta bay forma parti di e grupo cu ta bin cu idea, deseo, proposicion pa un maneho cu lo ta ehecuta pa un grupo cu no tin laso cu partido politico.
Pa mas detaye lesa TREMPAN.
