Diamars un biaha mas hende mester uza e vak asigna pa parkeer, cual ta den e zona cu nan a paga pa ora, dia of si tin permiso pa parkeer den un zona cu ta paga mensual. AruParking ta bolbe controla si tur hende ta cumpli y esunnan cu no cumpli lo sinti consecuencia. A pesar di a haci un campaña bunita cu ta cuminsa cobra bek, e incertidumbre ta sigui riba con lo ehecuta esaki. Dialuna atardi por a mira un actualisacion di e aplicacion pay.aw unda bo por paga pa bo vak pero tambe boet.
E boetnan di AruParking ta como lo siguiente:
· Klem auto so ta 75 florin;
· Touw auto so ta 150 florin;
· Klem y touw auto ta 225 florin.
· Klem y touw auto, y keda para pa un dia e boet ta di 250 florin;
· Klem y touw auto, y keda para pa dos dia e boet ta di 275 florin;
· Klem y touw auto, y keda para pa tres dia e boet ta di 300 florin;
Ta haya e informacion con pa haci e pago via pay.aw. p’e parkeer vak como tambe e boetnan pero ta ironico ta cu riba e Facebook page y website di Aruparking no tin informacion riba e boetnan. E comerciantenan ta hopi preocupa riba esaki.
Pa 2:00 pm Minister di Transporte, Ursell Arends, ta tene un conferencia di prensa pa asina duna informacion riba AruParking.
