Aquarius Restaurant, localisa na Renaissance Wind Creek Aruba Resort, ta presenta un experencia nobo, apetitoso y diferente durante e oranan di lunch. Cuminsando for di luna di November, nos ta invita bo pa explora un variedad di ‘action station’ cual lo cambia tur dia, cada un ofreciendo un aventura culinario durante oranan di lunch.
“Nos ta reconoce cu diversidad ta duna sabor na bida,” y pa es motibo, nos a seleciona un gran variedad di ‘action station’ pa satisface tur gusto, asina Executive Chef Sebastian Cechet a splica. Aquarius awor ta consisti di 7 diferente ‘action station’ cu lo cambia tur dia, garantisando nos clientenan un experencia diferente tur dia di siman.
Lo por disfruta di e siguiente opcionnan di buffet:
Pizza Station
Lo por crea bo pizza preferi na nos pizza station; Escoge entre Margherita, 4 Formaggi, mushroom cream, of pepperoni, prepara e ora ey dilanti bo den nos pizza oven.
Shawarma Station
Crea bo propio obra maestra di Shawarma cu nos pan di pita y top esaki up sea cu hummus, Tzatziki, tomati, concomber, saus di garlic, y un seleccion di saus pica.
Wok Station
Satisface bo antoho pa sabor Asiatico cu nos Wok station. Personalisa bo plato cu galiña, carni, berdura, y un variedad di saus.
Tacos al Pastor Station
Disfruta di e sabor Mexicano cu nos ‘Tacos al Pastor Station’. Scoge bo tortilla yena cu saus berde, guacamole, sour cream, keshi na gusto y grilled pineapple.
Pasta Station
Pa e amantenan di pasta por scoge entre gnocchi, ravioli, tortellini, penne, of spaghetti, sirbi cu un seleccion di saus manera saus cora, bolognese, truffle of saus blanco.
Crêpes Station
Crea bo delicioso creacion na nos Crêpes station. Scoge entre e opcionnan manera Truffle cream, mushrooms, chicken parmesan den saus blanco, braised beef y bearnaise, flambee banana cu Nutella, top esaki up cu sprinkles, ‘poeder suiker’, fruta of chuculati na gusto.
Sushi Bar
Experencia e arte di nos sushi chef cu un variacion di sushi fresco y delicioso.
Aquarius Restaurant ta balora bo lealtad, no lubida di uza of puntra pa nos ‘Loyalty Program card.’ Despues di disfruta di 8 lunch, lo bo ricibi e di 9 lunch completamente gratis. Ta nos forma di expresa nos gratitud na nos clientenan, alabes di esaki, tur local ta ricibi un 15% di descuento riba e cuenta final.
Cera conoci cu nos ‘action station’ nobo na Aquarius na Renaissance Wind Creek Aruba Resort durante e oranan di lunch, for di 12:00 pm pa 3:30 pm, Pa reservacion of cualkier pregunta, por tuma contacto na 5236156, e-mail nos na [email protected] of bishita nos riba facebook; AquariusRestaurantAruba.
