Nunca por ta contento cu tur cos manera mester ta, ta loke cu presidente di San Nicolas Business Association, Andres Hernandez a bisa. Aña 2019 a bay basta cerca di loke a programa.
Tabata tin logronan grandi pa no bay den e logronan chikito, aunke e pasonan chikito ta hiba na pasonan grandi.
Tabata tin un prome y unico Business Summit na Aruba, unda cu tabata tin hunto practicamente full gobierno di Aruba na Teresita Convention Center. Tabata tin 18 inversionista entre local y di afo, cu pa sorpresa di e asociacion, tabata puro inversionistanan stranhero.
A haya por lo menos 80% di inversionistanan local. Di e cumbre aki, a sali 28 proyecto, di cual 4 di nan prome cu e aña a cera, tabata cla.
Ta trata aki di un combinacion di Gobierno y e sector priva. Tin proyectonan di Gobierno y tin proyecto di sector priva.
Tin Secrets of Baby Beach cu na e momento aki e parti topografico y di punto ta wordo buta. Esey ta treciendo caba cierto movecionnan, unda cu tin pa e aña aki restaurant, personanan local puntrando con e situacion lo bay ta turisticamente pa tour operatornan.
Ta tratando di mantene tur loke ta esaki den un tiki mas di ordo pa loke a sosode na Oranjestad y pabao di brug, no pasa pariba, tratando di siña di loke a sosode pabao.
Si por papia di 2019, mester bisa cu e tabata basta completo. E percepcion riba caya ta cu pariba di brug ta hayando su atencion.
E prome paso den 2019, ta hiba na aña 2020 cual esaki lo bay ta e aña di San Nicolas.
