Awe ta aña nobo Chines y cun’e ta bin un cantidad di supersticion cu aparentemente lo dicta con e proximo 12 lunanan lo desaroya pa cada un di nos. Laba paña, uza sker y bari vloer ta algun di e presagionan mas facil pa evita. Sinembargo pa mayornan por resulta dificil evita muchanan cu ta yora y den lo extremo mas extremo di e escala, muhenan por resulta dificil sali for di cas henter dia.
Segun e supersticion Chines, haci cualkier di e cosnan aki dia 25 di januari, dia di e Aña Nobo Chines den 2020, lo trece mala suerte pa henter e proximo aña. Pero no tur cos ta pesimismo!
Aña 2020 ta aña di Djaca, un animal cu ta simbolisa rikesa y comienso di un dia nobo. Aki tin tur loke bo tin mester di sa riba e celebracion anual, como tambe recetanan pa cushina pa un dushi fiesta familiar y pakico e Aña di Djaca lo ta mas afortuna pa algun compara cu otro.
Ki dia ta Aña Nobo Chines?
E celebracion anual ta cuminsa luna nobo cu ta tuma luga entre dia 21 di januari y dia 20 di februari. E aña nobo Chines a cuminsa awe, dia 25 di januari 2020 y lo caba dia 11 di februari di 2021, ora cu e aña nobo di e Buey ta cuminsa.
E aña nobo, tambe conoci na China como e festival di Primavera, ta marca pa e calender Chines lunisolar. Esaki ta nifica cu e fecha ta cambia di aña pa aña.
E festividadnan generalmente ta cuminsa te cu e Festival di e Lampinan, dia 15 di e aña nobo. E zodiaco Chines ta dicidi den 12 blok (of cas), mescos cu su contraparti occidental, pero cu e gran diferencia cu cada cas tin un duracion di un aña na luga di un luna.
Cada aña nobo Chines ta caracterisa pa un di e 12 animalnan cu ta aparece den e zodiaco Chines: Aña pasa tabata e aña di porco.
