Atan Lee: Mar’e Betico ta na bida!

1029

Aruba tin un politico carismatico, luchado, senciyo, positivo, Internacionalmente conoci, un tata pa su pueblo. Mar’e Betico ta na bida, nos no a conoce tanto corupcion, fabornan politicio, disunion, rencor, division, famianan kibra pa motibo di politica. Mare Betico ta na bida, nos lo tin un pais progresivo, entrega, hobennan ariba e caminda corecto, un pais limpi di droga.

Mare Betico ta na bida, el a kibra cu tur fabornan di famia y ruman, cu tur Gobierno a practica despues di Status Aparte. Mar’e Betico ta na bida, anto el a siña nos politiconan con pa tuma decision y para pa nan decision. Mare Betico ta na bida, lo e no tabata tin miedo pa tuma decision pa salba nos economia. Mare Betico ta na bida, awe nos no ta bou di control severo di Hulanda. Un pais cu no por dicidi riba su finanzas no ta un pais liber.

Mare Betico ta na bida, lo el a maneha nos pais sin tin tanto conseheronan, specialmente consultancy cu ta cobra un cantidad di placa, mientras cu nos situacion ta penoso. Mare Betico ta na bida, lo e a bolbe haci Aruba Aruba atrobe, na unda ta existi un UNION, sin tuma na consideracion na cual partido bo ta pertenece. Mare Betico ta na bida y sigur stop cu e a stop cu e fundacion cu ta usa su nomber pa mas cu 34 aña, sin ningun hende sa na unda e placa ta bai? Lo e a pone nan duna cuenta sigur. Mare Betico ta na bida y mustra con por goberna sin ricibi fabor personal, sin corupcion cu tin nos pais na werki.

Betico a muri pober, pero a laga un herencia di dignidad, respet, balor y moral. Betico ta un ehempel di lucha y lo e ta un bon ehempel pa nos hobennan pa nunca stop di lucha pa nan logra nan metanan.

Cu sentimento mixto mi ta celebra su dia, cu awe nos conoce un pais, insigur, corupto, pesta di droga, arma y cu hobennan sin futuro. Apesar di esey mi tin cu bisa cu tabata un honor grandi di a traha banda di un heroe, un estadista manera Betico. Betico semper den mi mente y curason.

Boso ruman cu ta stima y resa pa boso.

Atan Lee sr.