Cuater persona “den isolacion” door di coronavirus na New York

1009

E Gobernador democrata di New York, Andrew Cuomo, a anuncia cu cuater persona a wordo aisla y ta wordo analisa pa detecta e coronavirus “di propagacion rapido”. “E Departamento di Salud di e Estado actualmente tin cuater persona bao di investigacion pa e coronavirus nobo cu ta bao di aislamento mientras nan caso ta wordo proba den CDC,” Cuomo a skirbi den un comunicado

“Te awor aki, un di e casonan aki a resulta negativo y tres ainda ta pendiente. Si ta bon, e riesgo pa New York ta actualmente abao, e gobernador ta pidi un mayor vigilancia pa garantisa cu e Neoyorquinonan ta protehi.”

E comisionado di Salud di e Estado di New York, dr. Howard Zucker, a bisa na e residentenan cu recientemente a biaha pa Wuhan, China, e epicentro di e brote, pa bishita nan dokter di cas.

E Centronan pa Control y Prevencion di Enfermedad a bisa cu e personanan no mester preocupa pa e brote, aunke ta wordo evalua riba 63 pashent pa detecta e virus entrante diabierna.

A confirma cu un homber den e estado di Washington tabata carga e virus y un di dos persona, un dama na Chicago a wordo aisla despues di a sali positivo pa e patogeno.

“Nos ta ehecutando un esfuerso riguroso y di gran alcance cu tur e partinan interesa, hasta e proveedornan di atencion medico, aeropuerto y funcionarionan federal di salud, pa establece e precaucionnan adecuado pa mantene e Neoyorquinonan sigur,” Cuomo a bisa.

China a restringi biahe na mas di 33 miyon di cuidadano a medida cu e virus ta propaga door di e nacion Asiatico.

Aune autoridadnan ta bisa cu e sintomanan ta similar na neumonia, e videonan supuestamente ta mustra personanan infecta cu ta sak den otro riba caya, ta sangra na boca y ta ricibi tratamendo medico cu ta uza trahe di materialnan peligroso.