Ya for di 8’or di mainta tempran, amantenan di cacho a participa na un Dog Walk, pa recauda fondo pa Aruba Animal Shelter. E caminata aki tabata di 5k banda di Malmok. Un y tur cu a participa a contribui cu 7 florin pa persona.
Despues di e caminata e participantenan a topa na Aruba Windsurf Shacks, unda cu a parti awa y fruta. Tambe e cachonan por a bebe awa na gran escala, mas nan a haya un cantidad di treat. Despues di e caminata a saca premio pa prome y segundo luga di e evento. E dogwalk akinan tabata uno cu tabata exitoso. Tur cu a participa tabata tin un smile riba nan cara y naturalmente, nan mascota, tabata mas cu contento.
