Parlamentario di MEP ta gun tur hende nan salario, si ta trinta, binti, cuarenta, shen mil pa luna, y esey no ta importante p’e. MEP ta haya cu no ta husto pa uza salario di minister presidente como norm pa salario dje directornan. Pero falta pa haci mas estudio pa bisa si e ley LNT ta afecta of no hopi hende.
Alvin Molina a sigui bisa cu den e caso aki ta bay over di e companianan estatal. Specialmente den e temporada cu ta biba aden. Den e crisis mester corta tur caminda. Hasta den e combersacionnan, e reunionnan cu parlamento tabatin den tur departamento, nan mes ta bisa e gastonan cu nan tin como compania tin efecto riba e servicio cu nan ta duna. Ki tin efecto riba e prijs di servicio.
Den caso di pensioen por ehempel, tin efecto riba pensioen di hende cu mester bay cu pensioen na dado momento. Kiermen locual ta importante pa Molina ta e norm cu ta uza p’e inkomen di e directornan cu ta uno inhusto. Awo ta haciendo un cifra eigenlijk p’e salario di minister presidente cu no ta bay t’ey pa mucho tempo. E cifra cu ta haci uzo di e periodo di Covid aki, kiermen kita e 25%. Den opinion di fraccion di MEP no ta husto pa uza esey como norm di kico e salario dje directornan ta bay bira.
Otro punto ta e overgangsperiode, cual Hulanda ta pidi eigenlijk ta hopi lihe pa hende baha salario, toch basta drasticamente. Mester duna e compania, duna e hende oportunidad pa adapta n’e norm gradualmente. Esun cu ta mas importante p’e parlamentario ta e trickle down effect, esta kico lo ta e efecto dje aanpassing di entrada di e director, pa tur empleado den e compania estatal.
Pa mas lesa TREMPAN.COM.
