E alumnonan na scol di Polis ta cuminsa cu un salario. Esaki ta e unico scol cu nan ta pagabo pa siña. Ora cu drenta ta bisa nan pa haci nan best pasobra nan ta wordo paga 8 ora. E salario minimo aki ta 2285 florin mas of menos. Esey ta loke nan ta bay cas cun’e. Esaki ta bay a base di periodiek y a base di nan estudionan extra pa nan promove nan mes den nan rango. E ora e ta subi sigur.
Opleiding
E opleiding ta 4 aña. E ta un MBO 4 diploma. E dos prome añanan lo ta na scol. Despues nan tin e dos otro añanan caminda cu nan lo subi caya. Nan lo bin bek pa caba yama zuilen. Y si nan caba cu exito, nan lo tin nan MBO 4 diploma den man.
Satisfecho
Segun Roberto Brown, Gobierno ta dicidi cuanto persona nan ta tuma. A base di nan budget cu nan ta traha cun’e, e salario cu nan por paga y tambe ta depende si tin e docentenan pa duna e les tambe. Por pidi pa 1000 polis, pero si no tin e docentenan pa duna e les y e localidad, mirando cu e scol ta birando chikito, e ora no por duna e servicio cu kier duna.
