All to Car ta cla pa cuminsa c’un feria di auto electrico y esaki ta bay man den man cu presencia di e banconan local.
Nan tin mas di seis modelo di auto electrico coriendo rond, entre nan e tamaño SUV cu ta ideal pa famia. Nan ta bin den diferente color, tur cu interior elegante, comodo y di calidad.
Manera cu a anuncia recientemente, All to Car a cuminsa c’un special di carnaval. Nan tin e stepnan electronico cu 20% di descuento. E siman aki y otro siman, Banco di Caribe lo ta na All to Car pa asina yuda e clientenan cu nan financiamento. Nan tin mas o menos 60 auto electronico den stock, den diferente modelo, tanto comercial, industrial, truck grandi, auto di pasahero, tres modelo electrico den stock. E autonan aki tin garantia, mescos cu un auto di gasolin, di cinco aña of 100 mil kilometer. All to Car ta agencia di marca di auto, Changang, Howling, Hozon, BAW tanto pa Aruba como pa diferente pais den Caribe.
All to Car tin tambe seis auto electrico disponibel pa test drive. E cliente por subi e pagina di Facebook di All to Car y asina reserva nan mey ora pa nan bin haci un test drive. E feria di Carnaval keto bay ta andando.
Tambe ta haya un auto electrico den formato familiar. Tambe van, pick-up y tambe SUV, cual hopi compania ta acerca All to Car. Un ciudadano por bin test drive un di e seis autonan electrico.
Pero cualkier empresa cu ta desea di busca un auto p’e compania, tambe por yega y esun cu ta bay core cu e auto, por bin test drive e auto. Hopi ta esunnan cu ta cambiando caba pa un auto electrico. Na All to Car tur ta cla pa yuda e cliente.
BANCO DI CARIBE
Joally Tromp, Representante di Benta di Banco di Caribe, a invita e pueblo di Aruba pa pasa na All to Car pa scoge e auto di bo soño y gustosamente nan t’ey pa sirbi e pueblo. Banco di Caribe ta ofrece un interes hopi abou, 5.5% y ta bay te cu maximo di 6 aña.
Por ripara un cambio den mentalidad, unda cu hopi hende ta cambia pa un auto electrico.
Un ehempel, cu Banco di Caribe, cu compra di un auto BAW cu ta costa 26.990,- florin, na 5.5% di interes pa un periodo di cinco aña, cu 0 downpayment, e cliente lo paga solamente 540,- florin pa un periodo di cinco aña.
Pasa libremente pa check bo auto nobo y tambe pa por testdrive bo auto electrico.
All To Car ta habri di dialuna pa diasabra di 8:00am te cu 6:30pm.
