Sindicatonan Uni a tene un rueda di prensa pa asina trece informacion riba dos topico importante p’e trahadonan publico y semi publico. Un di nan e prestatie management cu gobierno a introduci desde prome di januari.
Edward Maduro, presidente di SADA, a indica cu na december gobierno a pasa e prestatiemanagementsysteem. Pa varios tempo e sindicatonan ta papiando riba e tema aki, unda cu desde 2021 nan ta den reunion cu gobierno y Departamento di Recurso Humano (DRH). Gobierno a introduci e prestatiemanagementsysteem, pero a manda varios carta. Aki nan a indica riba e manera cu gobierno kier ‘bulldoze’ esaki, ta algo cu e sindicatonan no por acepta.
E lo tin repercusion pa tanto miembro como no miembro. Den tur sentido pa tur ambtenaar y gelijkgestelde e lo tin un consecuencia. P’e motibo ey e sindicatonan na varios ocasion a pidi gobierno pa wanta un rato cu implementacion di esaki. Segun Maduro, nan no ta contra e prestatiemanagementsysteem completamente, pero tin cierto cos cu ta hopi peligroso p’e trahado. Sindicato mester garantisa nan derechonan.
A manda dos carta pa minister presidente a haci e peticion p’e fecha di introduccion prome di januari 2023 no ta realisabel. E no ta realisabel pa tin algo cu ta carga pa tur sindicato y gobierno. E ta algo normal cu nunca ta bay haya tur hende ta para consensus 100%, pero ora ta trata di e miembro- y trahadonan e sindicatonan ta para hopi fuerte pa defende nan posicion huridico.
E landsbesluit aki a drenta na vigor dia prome di januari 2023 y tin hopi punto cardinal entre otro retiro di un ambtenaar. Den concepto di e sindicatonan esaki a bira mas facil pa gobierno haci mal uzo di esaki. A sinta den casi tur reunion cu DRH, pero esey no ta significa cu e sindicatonan ta di acuerdo. Ora kier yega na un consenso di un tipo di landsbesluit importante y por tin consecuencia grandi pa futuro, ta mas claro cu kier ta den esaki pa trece punto dilanti. Pa asina por tuma nota di e puntonan y salvaguardia, pasobra sindicato ta traha p’e miembronan y proteha nan na pia di trabou.
A manda un carta awe pa exigi gobierno trek in e landsbesluit te ora nan sinta na mesa y yega na algo cu ta carga pa tur hende. Den e carta aki ta duna minister presidente te cu 27 di januari pa duna un contesta cu ta trek in e landsbesluit. E sindicatonan no kier tende pa nan sinta na mesa awo, pero lo haci esey ora gobierno trek in e landsbesluit.
Loading…
Reload document 
Open in new tab Josephine Albertus, presidente di SIMAR, a indica cu no ta cuenta nan no kier e prestatiemanagementsysteem, pasobra semper ta bon pa mira con ta funciona pa mehora e dienst. Ora cu ta bin pa mehoracion, mester percura p’e bay na un manera responsabel y realistico.
E ta enfatisa cu no ta nan como sindicato ta bis’e, pero e rapport di Deloitte ta bisa cu ora di bin cu algo adhoc, no por garantisa na un manera bon y realistico. Loke ta para den e rapport, esey ta algo cu nan ta pasando aden.
Pa mas lesa TREMPAN.COM.
